السلام عليكم ورحمة الله وبركاته
يالله يالمربربات استانسوا
المربربة . . دفء . .خفة دم . . زوجة ناجحة
أنا جايب لكم موضوع إنما ..!
عاد كنت افكر في نوع من النساء مظلوم
وهو نوع اعتبره ناجح وله جمهوره
حديثي اليوم عن الزوجة المربربة
المربربة :هي المرأة الممتلئة واللي تملك شي من أهم الاشياء الملفتة لنظر كثير من الأزواج
الكل يمدح النحيفة
والكل يتمنى النحيفة
بس لا جينا للجد ترى المربربة شي وفرق كبير عن النحيفة
المربربة فيها عدة مميزات
اولا
الدفء
كلها دفا ومن وين ما ضميتها تلقى الدفء مو مثل المعصقلة لا ضميتها تحس كن عظامها تنشب بجسمك
ثانيا
خفة الدم
نادرا تلقى مربربة ثقيلة طينة
كلهن ماشاء الله خفة دم وسعة صدر وروح شرحة
ثالثا
طباخة
كثير من ازواج هالوقت يشتكون من جهل زوجاتهم للطبخ بس اللي متزوج مربربه ما يشتكي ابد فالمربربه تعتبر
دائما طباخه من الدرجة الاولى وما فيه سر يخفى عليك وش خلها مربربه الا حب الطبخ والمطبخ
رابعا
أم ناجحة
الأم المربربه تكون دائما اكثر حنانا ورحمه وتربيه لاطفالها لذا دائما اولاد المربربات يكونون اكثر بر بوالدتهم
عكس اولاد المعصقلات
*أحلف* **هههههههه رحت وطي بيطردوني**
خامسا
من اليوم ورايح الي تبي تخطب الى ولدهااا اخوهاااااااا تخلي شعارهااااااااا
نعم للمربربه ولا للنحيفه
وختاما
تحية لكل ام وكل زوجة مربربه
والمجتمع ظالمكم بنقدكم بس انتم روح المجتمع ولا يهمكم الكلام ولكم هالاهداء من قصيده قديمه
للسعيد
للزين قالوا من قديمٍ علامات
============ عينٍ ومبسم والجسم والرشاقه
لكن كسر هالقاعده هالمتينات
============ من واقعٍ ما هو كلام وبلاغه
اللي محليهن ولو هن ثقيلات
============ دايم خفاف الدم وفيهن لباقه
الله يا هن يا جماعه لطيفات
============ وعن الكلام الحلو فيهن طلاقه
ما هو ضروري بالرشاقه رشيقات
============ وزود الوزن ما هو بيعني اعاقه
صحيح بعض اللبس يعني اهانات
============ الوزن بالضيق عديم العلاقه
بس مو ضروري يبلسن استرتشات
============ يا زينهن واللبس واسع نطاقه
لا بارك الله فيك يا الضيق بالذات
============ ترى السعه مرات تعطي اناقه
قابلهن الله بلا رجيم ورياضات
============ بأهدي لهن مني من الورد باقه
هن دفء هذا المجتمع هن رقيقات
============ هن ملح هن سكر لذيذٍ مذاقه
يالله يالمربربات استانسوا
دمتم بخيــــــــر