مشكورة فديتك

قصه حقيقه حصلت في قريه قريبة من مدينة الرياض في السعوديه قبل ان تسمى الرياض. كان هناك شاب اسمه عايش يعيش في هذه القريه وكان يحب بنت اسمها نوره , وفي يوم من الايام ذهب عايش لكي يخطب نوره ولكن ابو نوره رفض لأن عايش كان على قد حاله وما عنده حلال ولا عنده فلوس كثيره, فشاف عايش نوره بعد ما طلع من عند ابوها وقالها :نوره انا راح يصير عندي فلوس وراح اشتغل وراح ارجع اخطبك واتزوجك, ونوره كانت تحب عايش فوافقت انها تنتظره.سافر عايش الى منطقه مرموقه في السعوديه وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى ان نوره تزوجت لان ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج. وتفاجى ايضا انها مو بس تزوجت بل هاجرت الى مكان ثاني مع زوجها ولا احد من القريه يعرف المكان. فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره. ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه كل حلالي فقاله الامير وشو اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز. فسافر الى قريه ثانيه وطرح عليهم نفس اللغز ومحد عرف الجواب راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح ومن بين الحضور كان زوج نوره موجود فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه مالي وحلالي كله, فقالت له: قولي وشو اللغز يمكن احله قالها(ابنشدك عن نور القمر وشلون نوره؟) فبتسمت نوره وقالت له :عرفت الجواب قال لها :صدق؟ قالت له :قوله(مثل السمك في البحر وشلون عايش؟) فقام الصبح رجل نوره وراح وقاله: انا عرفت الجواب فقاله :وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,

2) وهذه قصة قديمة لواحدٍ من بلي تبين لنا ما يجري على العرب في قديم وقتهم من المخاطر وايضاً صلابتهم على المشي والمتاعب والضما والجوع لأنهم عاشوا بوقتهم بالفوضى يتناهبون الإبل ويتقلون عندها وايضاً عيشتهم على الله ثم عليها يعيشون على البانها وإذا أرادوا الطعام يجتمعون خوفٍ من الأعداء ثم يدبرون الطعام ويدخرون منه للضيف حتى لو هم بحاجته لأن الضيف ما يعذرهم وهي تتبعهم برعيها وسقيها من الآبار والشديد والنزول الى الأرض الخصبة بالمرعي بهذا نعرف وقتهم وفضل الله علينا بوقتنا بالراحة والوجد والكثير منا الآن لا يعلم عن ما جرى لأوائله مع ذلك هم اكرم من آخرهم على قلة ما يجدون تجدهم يتعاطفون ويتعاونون ويجمعون للمحتاج منهم والقصة على صويلح بن عتيق العرادي البلوي وهو يمتاز بالشجاعة وغيرها من الخصال الطيبه وكبر سنه في يوم يسألونه عياله عن امر ما جرى عليك بحياتك فأجابهم ان جرى علي من المعارك والمتاعب والقل والجوع والظما ولكن أسوأ ما أذكر لكم في يومٍ اطلب بعض ابلي سارية بالليل من المرح بدون عقل وانا رجلي اقص اثرها بدون ذهاب لظني انها قريبه وبعدما ابتعدت عن العرب حسني الظما واعظمها فقدان القهوة وواصلت مسيري خوفاً عليها من الخطف ومع المسا عارضه سبعٍ كبير لأنه ذلك الوقت يعرف بكثرة السباع وجسرتها على الوحيد وخصوصاً اللي ما معه سلاح يفرسه السبع يبير له ويدني منه اليرى هل معه سلاح وهو معه سيف مخفيه يريد إذا قرب منه ضربه ويومي عليه بيديه بدون شئ لعله يقرب في هذا واصل السبع العوى ليجلب السباع إليه وذلك عند السباع معروف وكثرة عليه من كل جهه وقام يحثي عليها بالتراب وتؤكد من الهلاك ولكن وجد حصاة واقفه من جبل كبير اطول من الرجال بالطريق ورقا براسها لكي تساعده وقفز عليه السبع الكبير وضربه بالسيف وطاح صويب ومن زود جوع السباع عودن على خويهن ياكلنه وهو في لهوتهن انسل وانحاش وسلم وقال أبيات منها :

يا ذيب اشوفك لي تحد المخاليب>>>>تبي تعاشني وانا ابا اتعاشاك
الكل منها ما درى وش ورى الغيب>>>>والعلم عند اللي مديرٍ للأفلاك
مالي زهاب ولا لقيت المعازيب >>>>>غير انت باليني عسى الرب يبلاك
ناديت ربعك من علو المراقيب>>>>>>جمعتهم لي مير ربي كفاناك
جمعت كل مشوكات المناويب>>>>>>جمعتهم ليه وشمرك تبلواك
والأجل عند مرتب الرزق ترتيب>>>>>>إلا انتا عمرك دنت لك منايــــاك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
تقبلي مروري وحبي