ازدادى انوثة تتمتعى برجولته اكثر

للبرود العاطفي والجسدي بين الزوجين

له اسبابه .. والاسباب كثيره


راح اتكلم عن الأنوثه ودورها في حياة كل أمرأه

وكي تكوني أنثى يجب عليكي ان تتحلى بصفات الأنثى وليس الرجل

كل امراه لديها انوثه قد تكون دفنت مع الايام وظروف الحياه الصعبه وطريقة التربيه الخاطئه ....

لكن ابحثى عنها بجديه .. ابحثى .. وابحثى .. بكل صدق وستجدينها

وكي تجديها اليك هذه النصائح ويجب تطبيقها بالحرف الواحد

وعشان اسهلها عليكم بقولها بالعاميه


1- لما تتكلمين تكلمي بصوت هادي دائما وابدا

2- اختاري كلماتك بعنايه واختاري ارق الكلمات على الاذن وكوني مستمعه جيده لنفسك اولا .. وتذوقي نكهة كلامك .. كتذوقك لطهي اكلاتك قد تكون ماصخه .. وينقصها شوية نكهه .. قد تكون بشعه .. وقد تكون بارده .. او حاره

3- تعلمي ان تردين دائما بالشكر والثناء والتقدير على ابسط عمل يقوم فيه زوجك او اي انسان كي تكتسبي المفهوم بشكل عام فلا يراكي رقيقه معه وخشنه مع اخوك مثلا فعندها يسقط القناع ! فكوني على طبيعتك كي تصبحي انثى حقيقيه

4- تميزي بردود دبلوماسيه ذكيه وكلها ذوق ورقه ( لو تبون نتطرق لنوعية الكلام ماعندي مانع )

5- عند احساسك بالغيره اطفئيها بثقتك بنفسك .. وان لم يساعدك ساعدي نفسك باكمال اي نقص تشعرين به

ان كان بالشكليات يكون بالاهتمام .. ان كان بالثقافه .. التزود بالقراءه والتفكر بكل امور الحياه تجعلك فيلسوفة عصرك

6- لو احسست انك افضل بشكلك او لونك اوألخ تعليمك وفهمك للامور .. لا تسخري منه ولاتقللي من شأنه بالعكس حسسيه انك لازلتي تتعلمين من الدنيا وكلنا نتعلم منها يوم بعد يوم نكبر سنه

7- كوني صادقه بكل تصرف وسلوك سيراكي اجمل النساء

8- تخلصي من صفااتك السلبيه .. باعتبارها مرض معدي وينتشر ليشوه باقي صحتك كما تشوه صفاتك السلبيه جمالك الروحي والشكلي ولو كنتي ملكه بجمالها سيراكي اقبح النساء

9- كوني رقيقه حساسه .. تحلى بالطيبه فهي سلاح المرأه ..

10 - حدثيه في لحظات الهدوء في الليل وعند تبادل اطراف الحديث كوني متحدثه جيده ومستمعه رااائعه له ولكل افكاره ..

تحدثي عن جمال الشمس في شروقها .. وان وقت الغروب هو اكثر الاوقات الرومانسيه .. حدثيه عن ابيات شعر .. قصص عشق .. اختصري واستخلصى العبر منها وجمال مفهومها .. لا تهملي السلبيات في القصص لان فيها من العبره والجمال ايضا فاحسني الاختيار .. ولا تتحدثى في شي الا ان كنتي فاهمه فيه وشاعره فيه

مو عيب لو ماتعرفين عن امر معين او فكره طرحها بالعكس بكل هدوء وثقه قولي ماعندي فكره وحابه اسمع منك ... حتى وان عايرك .. قولي بابتسامه وهدوء ان بكل يوم الانسان يتعلم لغة جديده .. ومفهوم جديد .. ويكتشف اشياء جديده في نفسه .. والجاهل بس اللي يمثل ان عارف كل شي بالحياه .. وانا ماحب اكون جاهله .. واحب اتعلم واستفيد من غيري فهذا بحد ذاته متعه بالنسبه لي

11- عودي نفسك على تصليح اخطائك ومحاسبتها بين فتره والثانيه

12- شجعي نفسك لما تحققين اي تغيير ..

13- اكتسبي الصفات الجميله

14- ابتعدي عن الكلمات الرجوليه .. والتعليقات الثقيله لانها بشعه على البنت

15- تحلي بالبراءه والحيويه .. شكلا وروحا .. وارسميها ببسمه على شفايف جميله


الدلع الغنج .. الميوعه

كلها بالممارسه مو مستحيله

نصيحتي لكل بنت

كوني عاطفيه .. بتكونين رومانسيه ..

كوني حساسه .. بتكونين رقيقه

كوني طفله .. بتكون دلوعه

كوني نظيفه .. بتكونين مغريه


نأتي للدلع بالصوت ...

مو مهم يكون الصوت جميل .. ممكن يكون مو ناعم بس دافي .. والدفيء مايكون كذا صدفه! لا طبعا الدفأ يأتي من دفأ القلب والمشاعر والدماء في عروق يديك الناعمتين

الدلع واحد لا يختلف بنبرة الصوت .. الدلع رقه .. وليست ملابس فاضحه مثل ما البنات فكارين .. الاغراء لمسه .. ماهو عري وبس!!


تعلمي الخطوات الاولى

بعدها توصلين للدلع الطبيعي والغير مفتعل .. صوتك يكون همس .. لو نادى على اسمك قولي بهدوء نعم .. ولو كان بعيد لا تصارخين بس بحدة ونعومه طوليها وقولي نعممم

لا تقولين هااا .. لالالا مو حلوه

قولي نعم بوقت ماتكونين زعلانه .. او وقت نقاش

وقت ما ينادي قولي هلا .. وقت ما يدخل يا هلا .. او اهلين وسهلين

لاتقولين حياك الله يالغالي لالا احسها حقت شباب خخخ

قولي مكانك عيوني تفضل .. لاتقولين تامر .. قولي آمرني

أأمر وش تبي

يعني خلي كلامك ذوق .. وفي رقه .. لان في بعض الكلمات تقتل الرقه

الغنج اقوى من الدلع وهو يدخل في نطاق الاغراء

وفي ميوعه سواء بالمشيه او التلاعب بنبرات الصوت وتغييرها

الغنج يكون بالضحكات الطويله اللي كلها دلع بدلع وغنج وحلاتها لو تمزجينها ببراءه

تطلع اغراء حقيقي

الرقه بالضحكه هذي تكون بالضحكات الغير مفتعله والقصيره جدا

الاغراء نصفها يكون بالانفاس لما تكون انفاسك هاديه تدل على الذوبان

لما تتسارع تدل على التوتر وهالشي يزيد الرجل رغبه وشوق في زوجته وحب

اكثر ..


اللمسات :

هذي السحر الاول يكون والاخير لو تمتزج بالحنان والرقه .. لا تلمسينه وتحضنينه الا باحتضان لا تقيدينه يعني لا تثقلونها عالرجال ويقول بداخله وشو هالدفاشه


لالا لاتعطينه فرصه ينتقد او حتى يقول عورتيني خلي ايدك خفيفه كأنكلامسه زجاج او حرير



يعني اهم شي الرقه

النظرات : وقت الكلام العادي طالعي فيه عادي بحب وابتسامه هاديه وطبيعيه او تكونين ساكته بس الفرحه مرسومه على ووجهك ترى الحب يبين من الملامح وحتى الراحه النفسيه

وقت ما يقول كلام غير مباشر مثلا يتغزل هنا خلي الشطانه تشتغل قولي من هذي لو قال تشبهك قولي اتصدق ماعرفها وشوي شوي لو وضح لا تطالعين وابتسمي

ساعتها بحسك ممتعه والقعده معاك مسليه .. لو تغزل بشكل مباشر راح يبين الخجل طبيعي ويزيد احمرار على الخدود احلا من البلاشر يصير خخخ

هم بتطلعون حلوين

يت

واتكلم معاكم بخصوص كلمه احبك متى تنقال ومتى المفروض ما يسمعها



كثير يعتقدون ان كلمة احبك تزيد المحبه وتقوي الرباط الزوجي وهالشي صحيح لكن الغلط فيها ان كثرة سماعها تبعث الملل وربما الكراهيه في يوم من الايام




كلمة احبك نقدر نعتبرها لمسة جميلة نضيفها في لحظات خاصه جدا .. لتعطي كل الجمال والدفء للعلاقه الزوجيه

واعرف ان كل انثى فينا تحب تعبر وهالشي يرجع لطبيعتها العاطفيه .. وفطرتها لانها تعشق الحب .. وان تحب .. وتنحب من قبل زوجها

ومافي مانع ان كل انثى تعبر عن حبها في اي لحظه لكن عن طريق توظيف هالحب


ماهو توظيف الحب ؟

توظيف الحب يعني اخضاع مشاعرنا وادخالها بتصرفاتنا .. يعني الزوجه تقدر تحسس زوجها بحبها الكبير

من خلال اهتمامها بالبيت وجو البيت وعنايتها في نفسها واولادها وان لايكون هالشي على حساب الزوج بل يكون له ويضاف الحساب لرصيد محبته لكي

توظيف المشاعر يكون بالآتي

1- ان لا يسمع منكي الا الكلمه الحلوه

2- ان ترسلي له سيل من نظرات الاهتمام والحب والتسبيل والسرحان في في وقت يكون اهو مرتاح ومسترخي مثلا يقرا مثلا يطالع التلفزيون

3- تداعبينه مثل ما تداعبين البيبى تبعك تماما

كلمة احبك تقولينها بلحظات خاصه .. مناسبات .. مسجات .. مناسبة سعيده .. يكون مريض ولحظة رعايتك واهتمامك تقولينها والدموع بعيونك لكن تكون اللحظه صح والتوقيت سليم

كلمة احبك حلاتها تكون بشكل ما يتوقعهلكن يكون بوقت مناسب واحرصى كل الحرص على التقرب من زوجك نفسيا والتفهم لطبيعته وامتصاص غضبه وإراحة اعصابه قبل التقرب الجسدي والعاطفي .. كوني امه وصديقته قبل لاتكونين زوجته وعشيقته ساعتها مايشوف غيرك

في اوقات الاحتضان حسسيه انك طفله بحضن ابوها مهما يكون عمرك لاتستحين خلي يفهم عليك لو علق على عمرك في اي يوم قولي انا عمري يكبر وروحي بقربك تصغر.. معاك احس اني طفله وانت كل دنيتي ومافيها

لاتخلين كلمة احبك شماعه بكل وقت تعلقين عليها راح يمل وتملين خليها لمسة باوقات وكوني فنانه باختيارك .. احرميه شويه .. ولما تعطينه خليك فيض من العطاء بس بكل هدوء ورقه وعقل ومحاسبه ..

حاسبي على انوثتك عشان مايجرحها ..


كلمة احبك المفروض ماتقولينها في هالأوقات

1- أثناء الأكل

2- أثناء النقاش

3- أثناء ذهابكم لاي نزهه او حتى لما تكونين معاه بالسياره اكتفي بالمعامله الرقيقه وبس احيانا بلحظة مايكون مزاجه عالي حطي ايدك على ايده لما توقف الاشاره طبعا .. قبل لاتشتغل الاشاره شيليها برقه .. لو حسيتي بتوتر لاتسوينها .. الا لو حسيتي ان راح يتأثر فيها لاتترددين

5- لو كنتي زعلانه مثلا .. لاتسمعينه كلمة احبك او اي كلمه حلوه .. اكتفي بالصمت ترى يعذب .. لو كسر فيك خلي عيونك كلها دموع .. في الشغلات البسيطه .. اما القويه ردي عليه بعد ماتاخذين نفس عميق وتهدين اعصابك .. قولي له رايك واحساسك عشان يعرف انك انسانه مو حيط مالها اي شعور !!

خلي العتب حلو .. بوزي بدلع خليك حلوه حتى بزعلك والله يعض اصابعه ندم .. لقرب يراضيك لاتردين .. لو مزعلك لسبب خفيف تدلعي بلطف قولي مابي .. مثل الاطفال لما يتددلعون على امهاتهم خخخ .. بس لاتطولينها . . لو سمعتي كلمه حلوه حطي روحك تأثرتي لو كثر تدليع لك قولي وبعد لو قال اكثر قولي بعد بطريقه فيها ذوبان

والباقى بصير منه ويمكن يبوس راسك وقتها يحسك طيوبه ورقيقه


اهم شي تدلعي ودلعيه سواء بالكلام او المعامله .. او تصرفاتك خليها بريئه ... لاتفكرين بشي الا باللحظه الحلوه اللي انتي فيها بهاللحظه



لو كان رجل غلطان بحقك ... ويختلف حجم الغلط وهنا دور العقل يعني لو صغيره لاتكبرينها ولو كبيره لا تكبرينها وصغريها عشان تحتفظين بزوجك لو كان له قدر عندك وتبين تراضينه ويرضيك والله يدوم المحبه بين الازواج

بس الرجل اللي يغلط ويكون سيء هذا يبي له درس ودرس قوي بعد عشان يندم لكن الانتقام ماراح يكون بالقوه لها سلاحين


1- الريق الناشف

2- عدم المبالاه فيه

3- والاهتمام الزايد بنفسك وتدليعك لنفسك بيقهره بحسسه ان مو هامك الرجال كذا .. مثل الظل يلحقونك لو لحقتيهم

اول شي في حدوث اي شرخ او مشكله .. تقعدين بروحك ترتبين افكارك وتعيدين حساباتك تطالعين وش اخطائك وايش حسناتك.. الخير والشر اللي سويتيه له

بعدين تصير مواجهه .. ومصارحه بهدوء .. الأخذ والعطا .. وتكسرين كلامه لو كان غلط لا يقولك انا رجال ويقعد يخربط على راسك واجهيه بمسؤولياته تجاهك واجهيه بأوامر الدين والمفروض عليه كزوج وباسلوب راقي وابتعدي تماما عن الصوت العالي والانفعال لان يضر ما ينفع



منقول

مشكورة اشجان الغرام
تسلمين على الموضوع الرائع
يعطيك العافيه
نتظر جديدك

شكرا لك اشجان على الموضوع........

شكرا الك دلع
شكرا الك دنيا المحبة
ع متابعتكم

شكرا لك اشجان على الموضوع........

شكرا الك نهى ع المتابعه